SEA
En Brazilo, delonge Brazila Spiritisma Federacio eksplicite subtenas la lingvon internacian Esperanton, ĉu per la broŝuro Orientação ao Centro Espírita, ĉu per agado tra siaj retkanaloj.
Kiel eldonejo, BSF jam aperigis diversajn verkojn tradukitajn al Esperanto, kaj tiurilate multaj el ili, en PDF-versio, haveblas senpage sur sia retejo.
En 1925, en Tours, Léon Denis prezidis la Internacian Spiritisman Kongreson, kiu rekomendis Esperanton al la spiritisma movado.
Konforme al tiu rekomendo, Brazila Spiritisma Federacio (BSF) ankaŭ eksplicite faras tion, laŭjene:
Publikaĵo:
Orientação ao Centro Espírita (OCE)
(Orientiĝio de la Spiritisma Centro)
1a eldono, Braziljo (Brazilo), 2021
Eldonejo: BSF
Paĝo 55 (Parto II – Ĉapitro 2 – Ero 17)
Stimulu, kaj laŭeble, favoru la studon de Esperanto pro ĝia alta humana principo kaj sento de universala frateco, kiun ĝi disvolvas, kaj por montri sin kiel helpelemento en la disvastigo de la Spiritisma Doktrino en aliaj landoj;
Paĝo 182 (Aneksaĵo 1 – Ero IV – litero “c”)
Kuraĝigu la studon kaj disvastigon de Esperanto kiel neŭtrala instrumento de frateco inter homoj kaj popoloj de la mondo.
La 25an de januaro 2024 estas la aperdato de la filmo Nosso Lar 2 – Os Mensageiros (Nia Hejmo n-ro 2 – La Senditoj), farita surbaze de la libro La Senditoj, unuafoje eldonita de Brazila Spiritisma Federacio en la jaro 1944a. Ĝin diktis la spirito Andreo Ludoviko (André Luiz) al la mediumo Chico Xavier. Ĉi tiu libro rivelas, ke la korpa morto senvualigas la spiritan vivon kiel kontinuan evoluprocezon.
La unua filmo Nosso Lar (Nia Hejmo), aperdato 3a de septembro 2010, altiris milionojn da spektantoj en la kinejojn tra la tuta brazila teritorio.
Por trovi kinejon:
https://www.ingresso.com/filme/nosso-lar-2-os-mensageiros
Speciala eldono de la libro, portugallingve:
https://www.febeditora.com.br/os-mensageiros–edicao-especial-
En la jaro 2018a Gonçalo Neves tradukis la tekston de la libro en la Internacian Lingvon:
https://www.editoralorenz.com.br/la-senditoj
La 25an ĉi-monate BAES lanĉis retpaĝaron, kiu enhavas la tutan tekston de La Libro de la Spiritoj en Esperanto.
Indas konigi Spiritismon, kaj tiurilate jen oportuno por diskonigado tra la mondo, pere de Esperanto, de ĝia unua fundamenta libro.
Konsideru sekvi la agadon de BAES pri La Libro de la Spiritoj:
Retpaĝaro: www.spirito.app
Vi rajtas senpage elŝuti vian ekzempleron en iun ajn komputilon, tabulkomputilon aŭ poŝtelefonon.
SEA