SEAPro la agado de la nuna estraro, eĉ dum la transira periodo antaŭ ĝia enposteniĝo, aperis por la Asocio retpaĝaro, kiu estis atingebla per la domajna nomo baes.org.br, tiam aĉetita aprile 2021.
La 13an de aŭgusto 2023 BAES estis alinomita al SEA, kaj ankaŭ ŝanĝigis ĝia institucia retejo, kiu ekde tiam oni trafas per la domajna nomo konsolanto.org, aĉetita pasintjare junie.
La domajna nomo baes.org.br eksvalidiĝos venontaprile (2024).
SEA estas faka asocio fondita en Braziljo, Brazilo, la 7an de septembro 2008, tiam kun la nomo Brazila Asocio de Esperanto–Spiritistoj. Je la 13-a de aŭgusto 2023 ĝi estis alinomita al Spiritisma Esperanto-Asocio.
⇨ Historia referenco en artikolo de la revuo Reformador, septembra numero, 2011, portugallingve.
Disvastigi spiritismon pere de Esperanto estas la ĉefcelo de SEA.
Ĉiujare post 2008 ĝi respondecas pri la okazigo de la evento SER, antaŭe nomita BRES.
En la 1a de majo 2021 debutis la gazeto de la Asocio.
La 25an de julio 2023 la Asocio aperigis doktrinan retejon, nome La Libro de la Spiritoj kiel retpaĝaro.
La Ondo de Esperanto, 2023, N-ro 2 (316), p.25
Spiritistoj survoje al internacia asocio
Esperanto-spiritistoj en Brazilo fake kunvenas, renkontiĝas aŭ kongresas jam dum jardekoj, sed la unuan fojon en laŭnome tutlanda evento nur en 2006, antaŭ la fondo de Brazila Asocio de Esperanto-Spiritistoj (BAES) mem, kiu ekde 2008 respondecas pri la Brazila Renkontiĝo de Esperanto-Spiritistoj (BRES).
Post du jaroj da virtualaj eventoj, BRES denove okazis fizike la 22an kaj 23an de aprilo. Ĉi-foje en la urbo Uberlândia, kiu cetere gastigis la duan renkontiĝon en 2007. Partoprenis esperantistoj el ses brazilaj ŝtatoj. Dum BRES okazis Esperanto-kurso por komencantoj, al kiu aliĝis 32 personoj, partoprenis 20. Gvidis la kurson Cícero Gabriel, sperta esperantisto, redaktoro de Brazila Esperantisto. Néia Lúcia, respondeca persono ĉe Biblioteko Carlos Domingues, la biblioteko de la Brazila Esperanto-Ligo, aranĝis sukcesan brokantan libroservon kun multe da valoraj presaĵoj. Ĉio disvendiĝis, kaj la sumo trafos en la bibliotekan kason.
La programo inkluzivis ekspozicion de historiaj eroj el la Esperanto-spiritisma movado, ekskurson al la iama loĝdomo de la fama mediumo Chico Xavier en la najbara urbo Uberaba, fruktodonan diskuton kadre de la librokampanjo Abel Gomes. La partoprenantoj kunlaboris je la pretigo de librokompletoj, kiujn BAES donacas al unuopuloj kaj al bibliotekoj de spiritistaj societoj. La Kampanjo, fondita en 2021, celas provizi precipe la bibliotekojn de spiritistaj societoj per spiritisma literaturo en Esperanto kaj per lernolibroj de la Internacia Lingvo.
En 2024 BRES okazos ne fizike, sed virtuale, en aprilo. La fizikaj eventoj okazos ĉiun duan jaron. En 2024 plej verŝajne BAES estos ne plu brazila, sed transnacia organizaĵo. Ĝi fariĝos simple Spiritisma Esperanto-Asocio, laŭ la propono de la nuna estraro kaj la ĝis nun unuanima konsento de la membraro.
Leandro Abrahão
La estraranoj Leandro kaj Rodrigo partoprenis, dum la jaro 2022-a, kiel prelegantoj, intervjuitoj aŭ debatantoj, ĉefe en retaj aranĝoj organizitaj plejparte de spiritismaj organizaĵoj, pritraktante temojn rilatantajn al la triobla idealo ESE (Evangelio, Spiritismo kaj Esperanto) kaj BAES.
Lastafoje, laŭ la bildo, jen Leandro ĉe la monata Programo Frata Espero, en la 29-a de januaro 2023. Ĉi-jare jam estis partopreno en aranĝoj el Uberlândia-MG kaj el la fora rusa lando danke al la nuntempaj teknikaĵoj por komunikado.
La membroj de Brazila Asocio de Esperanto-Spiritistoj estas invitataj renkontiĝi en Ordinara kaj Eksterordinara Ĝenerala Asembleo, planita por okazi dum la 13-a Brazila Renkontiĝo de Esperanto-Spiritistoj, laŭ jene:
Loko: Strato Wilson Pantaleão de Oliveira, 108 – Kvartalo Pacaembu, Urbo Uberlândia – MG.
Dato: la 23-an de aprilo 2023.
Tempo:
Instalado je la 11-a matene, se ĉeestos la plimulto de la membroj.
Instalado je la 11:30, kun la ĉeesto de ajna nombro da membroj.
Tagordo:
1. Prezento de la jara agadraporto;
2. Prezento de la financa kaj bilanco;
3. Prezento de la propono por la nova statuto.
La tagordo 3-a efektiviĝos nur kun la ĉeesto de la plimulto de la asocianoj.
La 26-an de novembro 2022, kadre de la 3-a Virtuala Kongreso de Esperanto, funkciis la babilĉambro “Spiritismo”, por libera interparolo pri la temo. Plurlandaj partoprenantoj estis tie por aŭskuti la baliladon kaj interparoladi. Inter la estraranoj de BAES partoprenis Rodrigo, Paŭlo, kaj Leandro, kiu prezentis apartan temon.
SEA