“Kaj en kiun ajn domon vi eniros, unue diru: Paco al ĉi tiu domo.”
Jesuo (Luko, 10:5.)
Escepte de paco, eblas aĉeti en la mondo panon kaj vestaĵojn, ŝuon kaj medikamenton.
Ekster anima sereneco, mono garantios al vi domon kaj komforton.
Jen kial rekomendas Jesuo, ke, enironte iun hejmon, ni diru, antaŭ ol ion ajn: “paco al ĉi tiu domo”.
Tiu instruo esprimas fortan alvokon al toleremo kaj komprenemo.
Ĉe la sojlo de via hejma nesto, vin kovru per indulgemo kaj pacienco, por ke vi ne alproksimiĝu al la viaj, kiel malamika familiano.
Se iu deflankiĝas de ĝusta vojo, aŭ, se vi malŝatas iujn hejmajn aranĝojn, uzu bonecon kaj kunlaboron, por ke malbono malpliiĝu.
Se problemoj ĝenas vin, aŭ onidiroj vin humiligas, silentigu tiujn ĝenojn per limigo de iliaj manifestiĝoj.
Ricevu manĝon por Dia beno.
Utiligu, sen krudaj frapoj, pordojn kaj fenestrojn.
Ne deloku hejmajn objektojn per bruskaj movoj.
Fuĝu for de nekonvenaj kvereloj.
Estu zorga rilate kulton al ĝentileco.
Iuj homoj asertas, ke hejmo estas loko por malstreĉiĝo, kie ili mildigas siajn prematecojn.
Ni rekonas, ke tiel estas; tamen tio ne pravigas ŝanĝi hejmon en batalejon, kie homo brutiĝas.
Ni pacigu nian personan ĉirkaŭaĵon, por ke la aliula paciĝu.
Ĉiuj ni aspiras pacon sur la mondo; tamen grave estas ne forgesi, ke paco sur la mondo deiras de ni.
El la libro
“Palavras de vida eterna”,
mediume skribita de Chico Xavier,
kaj al Esperanto tradukita de Joel do Ó.
SEA 
