Metu ĝin sur la muron de la Spiritisma Centro kiun vi ĉeestas, kaj tion farinte, memoru preni foton kaj sendi ĝin al SEA (saluton@konsolanto.org).
Kategorio: Spiritisma Doktrino
Jen grava anonco por la spiritisma movado, aperinta lastlunde, pri eko de monata studo je la 4a dimanĉo.
La Junulara Komisiono de la fako pri infano, junulo kaj familio (AIJF), de Internacia Spiritisma Konsilio (CEI), formas studgrupon kun la tuta junularo de la mondo, senprecedenca momento por nia movado.
Tiu grupo alportos al ni pripensojn, ĝojon, novajn amikecojn kaj multe da Spiritismo.
Ni ŝatus inviti vin partopreni en ĉi tiu historia momento kun ni. Baldaŭ aperos pliaj informoj kun datoj kaj aliĝilo. Sekve, atentu la Instagramon de CEI kaj Monda Spiritisma Junularo.
La “Eksperimenta Kampo de Brazila Spiritisma Federacio” proponas diversajn studojn doktrinajn kaj pri Esperanto.
Ili okazos en la sidejo de BSF en Braziljo (Brazilo), portugallingve, kun ĉeesta kaj interreta funkciado.
La koncerna aliĝilo troviĝos ekde la 3a de februaro, je la 10a horo (BRT) sur la institucia retejo de BSF (febnet.org.br).
Cetere (en la portugala):
Programe-se: FEB abre inscrições para Estudos Doutrinários
La 25an de januaro 2024 estas la aperdato de la filmo Nosso Lar 2 – Os Mensageiros (Nia Hejmo n-ro 2 – La Senditoj), farita surbaze de la libro La Senditoj, unuafoje eldonita de Brazila Spiritisma Federacio en la jaro 1944a. Ĝin diktis la spirito Andreo Ludoviko (André Luiz) al la mediumo Chico Xavier. Ĉi tiu libro rivelas, ke la korpa morto senvualigas la spiritan vivon kiel kontinuan evoluprocezon.
La unua filmo Nosso Lar (Nia Hejmo), aperdato 3a de septembro 2010, altiris milionojn da spektantoj en la kinejojn tra la tuta brazila teritorio.
Por trovi kinejon:
https://www.ingresso.com/filme/nosso-lar-2-os-mensageiros
Speciala eldono de la libro, portugallingve:
https://www.febeditora.com.br/os-mensageiros–edicao-especial-
En la jaro 2018a Gonçalo Neves tradukis la tekston de la libro en la Internacian Lingvon:
https://www.editoralorenz.com.br/la-senditoj
En la 5a de julio de 2011 en la Jutubkanalo Revista Auta de Souza aperis la unua videaĵo de la kurso Konu Spiritismon, kiu estas prelegoserio kun 14 temoj:
Leciono 1 – Dio
Leciono 2 – Jesuo
Leciono 3 – Spiritisma Doktrino kaj Allan Kardec
Leciono 4 – Spirito, Perispirito kaj Korpo
Leciono 5 – Reenkarniĝo
Leciono 6 – Elkarniĝo
Leciono 7 – Plureco de la loĝataj mondoj
Leciono 8 – Mediumeco
Leciono 9 – Obsedo
Leciono 10 – Konado de si mem
Leciono 11 – Hejmo
Leciono 12 – La Evangelio en la Hejmo
Leciono 13 — Malvirtoj
Leciono 14 – Karito kaj Spiritisma Domo
Temas pri materialo utila (krom ĉarme prezentita) por komencantaj aktivuloj celantaj lertiĝon en la afero Evangelio/Spiritismo/Esperanto.
Kurioze, Leandro Abrahão, la rolulo de tiu prelegoserio estas ano de SEA, sed ne nur, li estas la nuna prezidanto de la Asocio.
Ligilaro: LUDLISTO
“Du elementoj devas kontribui al la progreso de Spiritismo: la teoria starigo de la Doktrino kaj la rimedoj por ĝin popularigi.” – Allan Kardec, Postmortaj Verkoj, Projekto 1868
Plureco de Akcioj – Konsola espero estas la temo de numero 13a de Revue Spirite – Spiritisma Revuo.
Per tiu ĉi numero, Revue Spirite inaŭguras novan ekzistadon kaj novan teman sinsekvon, dum kiuj dum kvar eldonoj, sub la rubrikoj Spiritismo kaj Scienco, Spiritismo kaj Filozofio kaj Spiritismo kaj Religio, diversaj aŭtoroj proponos siajn pripensojn kaj analizojn pri la temo.
En ĉi tiu monato, kiu markas la 219an datrevenon de la renaskiĝo en sur terglobo, de la spirito, kiu iĝis konata kiel Allan Kardec, la Revue Spirite Teamo aldonas siajn vortojn al tiuj de la Kodiginto de Spiritismo, kiam li parolas ekzemplodone, logike kaj konsolmaniere pri la plureco de ekzistadoj : “La doktrino de la reenkarniĝo, tio estas, tio, kio konsistas en akcepti multajn sinsekvajn ekzistadojn al la Spirito, estas la sola, kiu respondas al la ideo, kiun ni faras pri la Dia Justeco al homoj, kiuj troviĝas en malsupera morala kondiĉo; la sola, kiu povas klarigi la estontecon kaj starigi niajn esperojn, ĉar ĝi proponas al ni la rimedojn por elaĉeti niajn erarojn per novaj provoj. La racio ĝin indikas al ni kaj la Spiritoj ĝin instruas.
Legu la numeron 13an ĉi tie:
cei-spiritistcouncil.com/wp-content/uploads/2023/09/EO_Revue-Spirite_13.pdf
Esperantigo de mesaĝo sendita de
info@cei-spiritistcouncil.com
En la 8a de oktobro 2023, je la 19h UTK,
okazos retkunveno kun kelkaj kunlaborintoj de la numero 13a.
okazos retkunveno kun kelkaj kunlaborintoj de la numero 13a.
La gazeto de Konsolanto estas spiritisma revuo, oficiala organo de SEA – Spiritisma Esperanto-Asocio.
Ĝi debutis en la 1a de Majo 2021 kiel Gazeto de BAES (ISSN 2764-7927), kaj verŝajne ĝi estas la unua spiritisma revuo originale verkita en Esperanto.
Bonan legadon:
La 25an ĉi-monate BAES lanĉis retpaĝaron, kiu enhavas la tutan tekston de La Libro de la Spiritoj en Esperanto.
Indas konigi Spiritismon, kaj tiurilate jen oportuno por diskonigado tra la mondo, pere de Esperanto, de ĝia unua fundamenta libro.
Konsideru sekvi la agadon de BAES pri La Libro de la Spiritoj:
Retpaĝaro: www.spirito.app
SEA 