SEA
Brazila Spiritisma Federacio
invitas vin partopreni la aranĝon
1a Virtuala Renkontiĝo “Revivigita Evangelio”
En la 15a de junio 2024
13h45 ĝis 18h00 (BRT)
16h45 ĝis 21h00 (UTK)
Vedeospektejo: Youtube-Platformo
Ligiloj por sekvi:
Elsendo en la portugala lingvo
febmidia.com/ENER
Elsendo en la hispana lingvo
febmidia.com/ENER_espanhol
Jen sur fejsbukpaĝo de Spiritisma Federacio de Maranjano (FEMAR, Brazilo) anonco pri portugallingva evento. Ĝi tekstas laŭjene (esperantigite):
Karaj amikoj de spiritismaj idealoj:
Venas nia 12a Spiritisma Semajno de Imperatrizo, Maranjano.
Ĉu ni pretigu nin por partopreni ĝin?
Kiu estas la dato?
De 19a ĝis 26a de majo 2024.
Dum tiu periodo ĉiutage okazos prelego ĉe iu spiritisma asocio de la urbo.
La aranĝo omaĝas la 160an datrevenon pri la apero de “La Evangelio laŭ Spiritismo”, tia fundamenta verko por pli profunda kompreno de la lecionoj de Jesuo.
Ni atendas vin.
Retelsendota portugallingve, ekde Porto Alegre, Brazilo.
TEMPO POR KONFIDADO
La 9an de majo 2024
15h00 BRT | 18h00 UTK
Reta elsendo el la kanaloj de
Spiritisma Federacio de Suda Rio-Grando (FERGS)
La Fako pri Infano, Junulo kaj Familio (AIJF), de Internacia Spiritisma Konsilio (CEI), okazigos retan metiejon kun la temo “Valorigado de la Vivo”, kun la celo instigi momentojn de pripensado ĉirkaŭ la vivvalorigado de infanoj kaj junuloj, fokusigante:
la antaŭenigon de memscio,
la plifortigadon de memestimo,
la konsciigon de la animaj potencoj,
la valorigadon de la reenkarniĝa sperto.
Dato:
La 4an kaj 5an de majo 2024.
Horaro:
09h30 ĝis 14h00 (BRT)
12h30 ĝis 17h00 (UTK)
Aliĝo komenciĝos baldaŭ.
Jen novaĵo aperinta
sur a retejo de ISK:
Internacia Spiritisma Konsilio (CEI) kaj Urugvaja Spiritisma Federacio (FEU), invitas vin partopreni en la 11a CEM | Monda Spiritisma Kongreso – Vivo post Vivo.
Aliĝu al ni la 4an kaj 5an de oktobro 2025 ĉe la Kongresa Centro Punta del Este, Maldonado – Urugvajo!
La 11a CEM estas unika okazo por kunuleco kaj studado por profundigi konon pri spirita vivo, surtera vivo kaj ĝia celo en la solidareca ĉeno en la sinsekvaj reenkarniĝoj de la spirito.
Mergu vin en atmosferon de lernado kaj spirita kreskado dum vi dividas spertojn kun homoj el la tuta mondo.
Ĝuu pensigajn konferencojn, rondajn tablojn, kulturajn momentojn, kaj unuafoje ĉe la aranĝoj de la Internacia Spiritisma Konsilio, la 1an Tutmondan Spiritisman Junularan Kongreson.
Estimataj geamikoj kaj membroj de SEA,
Ni informas, ke la 14a Spirirista Esperanto-Renkontiĝo okazonta la 14an de aprilo estas prokrastita al la 15a de septembro 2024. La temo restas la sama kaj la intenco okazigi ĉeestan eventon en 2025 ne ŝanĝiĝis.
La estraro bezonas pli da tempo por ĉion pretigi, tiel ke dum la evento ni povu interalie jam oferti aliĝeblon al la ĉeesta evento.
Dankon pro via kompreno!
Spiritisma Esperanto-Renkontiĝo estas jara evento kun la celo kunvenigi spiritistojn, kiuj estas esperantistoj.
La 14a SER okazos virtuale en la 14 de aprilo 2024. Anticipe ni informas, ke partopreno estas tute senpaga.
Fizika evento okazos nur en 2025, kaj en nia ĉi-jara virtuala renkontiĝo, certe havos novaĵojn pri ĝi.
El Minas (Brazilo) jen sube raporteto fare de nia asocianino Ana Paula Pose koncernanta la aferon Esperanto, kadre de tiea ĵus okazinta plurtaga spiritisma evento.
* * *
Survoje al Regeneriĝo
Parto de la spiritisma komunumo en la urbo Teófilo Otoni kaj regiono okazigis, antaŭ kelkaj tagoj, vojaĝon plenan de pripensoj, lernado, interŝanĝo de spertoj, integriĝo kaj multaj sublimaj vibroj “Survoje al Regeneriĝo”.
Tio estis la temo de la 14-a COEZMUC – Confraternização espírita da Zona do Mucuri / Spiritisma Kunfrateco de la Mucuria Zono (Dua sezono), aranĝo aktuale promociita de la 12-a CRE, kaj kiu okazas ĉiujare dum la karnavala periodo, kunigante laboristojn de la Regiona Movado kaj ties familiojn.
En la kunteksto de la temo, la organizantoj intense disvastigis Esperanton kadre de nia vojaĝo al la mondo de Regeneriĝo.
Ĉiutage oni legis la komencan mesaĝon en la portugala kaj Esperanto. Estis disdonitaj materialoj ricevitaj de SEA (Spiritisma Esperanto-Asocio), ekzemple la broŝuro: “Al spiritisto: pri la Lingvo de Frateco”. La prezidanto de la Asocio – Leandro Abrahão – sendis al la partoprenantoj videon klarigantan la rolon de la lingvo en la disvastigo de spiritismo.
En la Arta nokto estis prezentita intervjuo kun la esperantistino Ana Paula Pose, kiu klarigis al la partoprenantoj plurajn demandojn rilate al spiritismo kaj Esperanto, finiĝante per la kanto Preĝo (aŭtoro Willi de Barros), kiu baldaŭ aperos ĉe Brazila Kolekto.
Ĉe la fino de la evento pluraj homoj entuziasmiĝis pri lernado de la lingvo kaj kreiĝis grupo por plani komencan kurson.
Koran dankon al la organizintoj!
Ĉi-jarkomence nia Asocio jam ĉeestis en du eventoj en Brazilo, kaj tio oni ŝuldas ĉefe al ĝia prezidanto, kiu diligente strebis por ĉion aranĝi.
Per ĉarma budo la triobla idealo Evangelio-Spiritismo-Esperanto estis konigita de SEA al multaj homoj surloke je la jenaj eventoj:
7a Uberlandja Spiritisma Kongreso (CEU)
26a ĝis 28a de januaro
.png)
Tie estis disdonitaj la broŝuretojn “Ao Espírita: Sobre a Língua da Fraternidade”, kaj librokompletoj, kadre de la Kampanjo Abel Gomes.
68a CONCAFRAS-PSE
10a ĝis 13a de februaro
Okazanta en la urbo Parakatuo (Minas-Ĵejraso)
Pri CONCAFRAS legu sur Vikipedio:
https://eo.wikipedia.org/wiki/CONCAFRAS-PSE
La 4a VK okazis de 23a ĝis 26a ĉi-monate. Tamen, multaj programeroj estis registritaj kaj restos spekteblaj en la platformo de la evento ĝis la fino de la jaro. (vk.esperanto.net/2023)
Rilatantaj al spiritismo estis la jenaj programeroj:
Sabato, 25/11/2023
Spektaĵo: 108a UK: Eldonejo Lorenz – Álvaro Motta
Vidbabilejo: Babilĉambro por libera interparolo pri la temo Spiritismo.
Dimanĉo, 26/11/2023
Spektaĵo: Prezento de la libro Kazo de Reenkarniĝo, de Yvonne A. Pereira, lanĉita de Eldonejo Lorenz.
SEA