Kategorioj
Sen kategorio

1a Komuna Studo

Antaŭ kelkaj monatoj BAES informis pri la eldono de la 1a Suplemento al la Gazeto de BAES. Temas pri manlibreto pri Hejma Evangelia Studo. Ni invitis la Esperanto-spiritiston David Bianchini (lia jutuba kanalo), membro de BAES loĝanta en Campinas (SP), gvidi la 1an virtualan komunan studon.

Ĝi okazos vendrede la 15an de julio je la 19a horo (UTC-3).

BAES esperas okazigi la studon unufoje monate ĉe malsama persono. Ĉu vi? Nu, se vi deziras gastigi nin en via hejmo, eĉ se virtuale, por la venonta studo, simple proponu vin en la komentejo malsupre, aŭ kontaktu nin per kontakto@baes.org.br.

Jen la ligilo por la studsesio:

http://meet.google.com/edr-eyqb-yvv

————————————

Pri la Suplemento

Hejma Evangelia Studo, aŭ Evangelio en la Hejmo, konsistas en studado de la evangelio de Jesuo en familia rondo. Estas grave emfazi, ke tiun studadon oni povas entrepreni ankaŭ unuope, kaj ke infanoj estas tute bonvenaj. Tiu familia kunveno estas tradicie nomata Evangelio en la Hejmo reference al epizodo, okazinta antaŭ ĉirkaŭ du mil jaroj en la domo de Petro – unu el la apostoloj de Jesuo. Tiun epizodon rakontas al ni la spirito Neio Lúcio en la libro Jesuo en la Hejmo, mediume skribita de Chico Xavier.

Krom la rakonton, la Suplemento enhavas ankaŭ la procedon, kiel realigi la studon en via propra hejmo unufoje en ĉiu semajno.

La eldonaĵo estas senpage elŝutebla el la retejo de BAES.

Kategorioj
Sen kategorio

Parola Klubo de BAES

No grupo de Aktivuloj de BAES, no WhatsApp, surgiu a demanda por encontros de conversação com temática espírita. Foi criado um grupo de interesados ao qual demos o nome de Parola Klubo. O nível dos participantes foi apurado por meio de formulário baseado no Quadro Europeu de Referência para Línguas e as duas primeiras datas foram marcadas.

Sexta-feira, 22 de julho, 17h (horário de Brasília)

Sábado, 30 de julho, 10h (horário de Brasília)

Assim mesmo, aproveitamos para compartilhar um serviço gratuito de conversação oferecido pelo portal EDUKADO.NET. Estamos falando do programa EKPAROLU!

Recomendamos acessar a página do programa! Você pode se inscrever como “nevo” ou “nevino” (literalmente sobrinho ou sobrinha) ou como “onklo/onklino”, se desejar ajudar outras pessoas no desenvolvimento da habilidade de fala em Esperanto.
Kategorioj
Sen kategorio

EVITU TENTON

“Viglu kaj preĝu, por ke vi ne eniru en tenton”
Jesuo (Marko, 14:38.)

Viglado ne signifas nur diligenta atento. Ĝi ankaŭ nuance enhavas la signifon antaŭzorgo kaj prizorgado. Kaj, kiu asertas, ke li prizorgas, tiu ankaŭ asertas, ke li laboras kaj antaŭzorgas.

Preĝado, siavice, esprimas ne nur adoradon kaj kvietiĝon, sed, super ĉio, agordiĝon kaj kun la Dia Potenco, kio signifas senĉesan kreskadon al la lumo, kaj kun la Dia Amo, kio signifas senlacan servadon por la bono.

Ĉio, kio tro ripozas estos forlasita de la Naturo kiel senutilaĵo.

Trezoro senutila fariĝas prizono de monavideco.

Stagna akvo estigas larvojn de malsanigaj insektoj.

Ne kredu vin viglanta kaj preĝanta, se vi forkuras de la luktoj, per kiuj la mondo vin spitas.

Inteligenteco, kiu utilas al neniu kaj brakoj, kiuj restas inertaj, trudas paralizon al la koro, kiu, de senmoveco, falas en blindecon.

Vibru kune kun la vivo, kiu fluas sublima ĉirkaŭ vi, kaj senlace laboru, tiel ke vi etendu la limojn de bono, lernu kaj helpu la aliajn favore al vi mem.

Tia estas la plej trafa maniero vigli kaj preĝi, por ke ni ne eniru en tenton.

El la libro
“Palavras de vida eterna”,
mediume skribita de Chico Xavier,
kaj al Esperanto tradukita de Joel do Ó.
Kategorioj
Sen kategorio

Lanĉo de la "Revue Spirite N8"

Revuo Spirite (Spiritisma Revuo), estas oficiala eldonaĵo de Internacia Spiritisma Konsilantaro – ISK, kies lasta informilo asertas, ke ĝi celas daŭrigi la laboron, kiun la Liona Majstro komencis, krom proponi al spiritistoj el la tuta mondo komunikilon.

La informilo konigas la aperon de la numero 8 de la revuo, fermante plian eldonjaron (Jaro 165 | N-ro 8 | Julio 2022).

Ĉi tiu revuo estas cifereca eldonaĵo, kun enhavo en video kaj sonformo. Versio en Esperanto elekteblas ĉe menuo kun ligiloj por elŝuto en PDF, tamen PDF ne subtenas plurmedian enhavon.

Jen la koncerna ligilo: ISK-retejo

Krome, pri ĝia lanĉo, la informilo instigas la spekton de la retkunveno kun partopreno de kelkaj el la verkistoj kiuj kunlaboris por ĉi tiu numero, okazonta hodiaŭ, la 3-an de julio 2022, je la 18-a horo, laŭ internacia tempo (tio estas la 15-a horo en Braziljo, UTK-3), per Jutub-kanalo: TV CEI

Kategorioj
Esperanto-lingvo Eventoj Personoj

Kial Émile Boirac "prezidis" la 1an UK?

Émile Boirac (1851-1917), honora prezidinto de Esperanta Psikistaro, “prezidis la 1an UK”, en 1905. Tion informas la verko Nia Diligenta Kolegaro, de Halina G. kaj A. Korĵenkov.

Nu, kial ĝuste li? La sekvantaj alineoj el unu dokumento pri la bulonja kongreso respondas la demandon.

(Esperantista Centra Oficejo, Esperantista Dokumentaro, 1a Universala Kongreso de Esperanto, Unua Kajero, aŭgusto 1906, p. 16.)

Ĉu estas aliaj kaŭzoj, ni ne scias. Necesas esplori plu. Tamen, tiu tekstopeco dumtempe kontentigas nian scivolon.

Pliaj informoj pri Boirac legu en la 2a numero de la Gazeto de BAES.

Kategorioj
Sen kategorio

Dua Gazeto, tutnova esploro!

En majo 2021 lanĉiĝis nia Gazeto. Unu el la aliĝkategorioj de la 11a Brazila Renkontiĝo de Esperantistaj Spiritistoj (BRES), okazinta en aŭgusto de la pasinta jaro inkluzivis ricevon de unu presita ekzemplero de ĝi. Tiam ni disponis precize pri tridek presitaj gazetoj. Post nelonga tempo ĉiuj numeroj estis menditaj. Kia ĝojo! Fábio Fortes estas la unua mendinto.
Ni aldonis al la ekspeditaj kovertoj malgrandan salutpaperon kun la informo, ke tiam la dua numero estis jam redaktata, kaj aperus en septembro. Jes, ĝi estis redaktata, sed efektive ne aperis en septembro, kiel ni planis. Kvankam ni laboris konstante, tamen baldaŭ ni konstatis, ke necesus pli ol kvar monatoj por finpretigi ĝin. Ni skrupule informis nian komunumon, ke temis ne pri fiasko, sed pri prokrasto.
Nun finfine vi tenas en la manoj la duan numeron de nia organo. Ĝi aperos ĉiam unufoje jare, ne dufoje, kiel ni esperis. Estas pli saĝe eldoni unu zorge redaktitan numeron ol du sub nepravigebla tempopremo.
Ni partodonas en la sekva paĝo kelkajn opiniojn de la legantaro, kiu ekestis kun nia revuo.
Havu bonegan legadon!
Tion deziras la redaktoskipo kaj la estraro de BAES.
Elŝutu ĝin: https://www.baes.org.br/gazeto
Kategorioj
Sen kategorio

NI RENOVIĜU POR LA BONO

“Ĉar tiu, kiun Dio sendis, parolas la vortojn de Dio; ĉar ne laŭmezure Li donas la Spiriton.”
Jesuo (Johano, 3:34.)

Observu la malavarecon de la Diaj favoroj ĉie ajn sur la Tero.

Dum la homo limigas la distribuon de tiu aŭ alia resurso, Dio ne ŝanĝas siajn leĝojn de abundeco.

Observu tion, kio okazas ĉirkaŭ vi:

Radiluman Sunon, kiu nutras la vivon ĉie, en ĉiu ajn loko…

Puran kaj abundan aeron…

Akvofonton, kiu senkondiĉe fordonas sin…

Ĉion, malavare disponigitan al ĉiuj.

Ĉion, libere disdonatan.

Kiel okazas pri la favoroj de la Sinjoro en la materia rondo, tiel ankaŭ okazas en la Regno de la Spirito.

La pordoj de saĝeco kaj amo restas konstante malfermitaj. Trezoroj de Scienco kaj ĝojoj de homa interkompreniĝo, gloroj de arto kaj lumoj de spirita perfektiĝado estas alireblaj de ĉiuj homoj.

El la rivero de Diaj gracoj, ĉiu animo nur ĉerpas la porcion, kiun li kapablas distingi kaj profite utiligi.

Studu, observu, laboru kaj renoviĝu por la bono.

Pligrandigu vian propran komprenpovon kaj helpu la aliajn favore al vi mem.

Rememoru, ke Dio disdonas siajn benojn al ĉiuj. Ĉiu animo, tamen, kunportas propran mezuron fiksitan en sia sino por ricevi la donacojn de Dio.

El la libro
“Palavras de vida eterna”,
mediume skribita de Chico Xavier,
kaj al Esperanto tradukita de Joel do Ó.
Kategorioj
Sen kategorio

NI REKOMENCU

“Kaj neniu alkudras flikaĵon el nefulita drapo sur malnovan veston.”
Jesuo (Mateo, 9:16.)

Ne retenu amarajn rememorojn.
Viaj revoj disfalis antaŭ vi.
Galan respondon vi aŭdis.
Forlason de la plej amataj vi eltenis.
Fiaskis via entrepreno.
Solecon vi rikoltis.
Atingis vin elreviĝo.
Tamen, rekomenco estas beno en la Dia Leĝo.
Promeso de spiko reaperas dum semado.
Akvo vaporiĝinta revenas el la nuboj por riĉigi akvofonton.
Reaperas printempa varmo en sekvanta printempo.
Flamiĝas la horizonto je ĉiu mateno per la suna brilo, kiu redonas al la tago ties valoron.
Januaron post januaro, renoviĝas la jaro proponanta novan laborciklon.
Ĉio okazas, kiel se io diras al ni: “Se vi volas, vi povas rekomenci”.
Diris, tamen, la Dia Amiko, ke neniu alkudras flikaĵon el nefulita drapo sur malnova vesto.
Forĵetu do sentaŭgaĵojn.
Malligiĝu de senutilaĵoj.
Forgesu erarojn, kiuj surprize vin prenis.
Forlasu malutilajn afliktojn.
Ni do kun firmeco rekomencu ĉiun ajn bonan projekton; ni rememoru, tamen, ke ĉio revenas krom la forlasita oportuno, kiu ĉiam signifas efektivan perdon.
El la libro
“Palavras de vida eterna”,

mediume skribita de Chico Xavier,
kaj al Esperanto tradukita de Joel do Ó.

Kategorioj
Sen kategorio

Terminoj: Asocio x Societo

Per malmultaj vortoj mi provas klarigi kial mi preferas la vorton asocion anstataŭ societon, por nomi la ejon por agado de spiritistoj. Mi estas Paŭlo, la nuna 1-a sekretario de BAES.

Unue mi diras, ke mia vidpunkto rezultas el tio, ke mi estas kontisto (librotenisto), kaj en mia lando Brazilo estas nuntempe leĝa malsimileco inter tiuj du vortoj, kadre de la juro.

Societo konsistas el grupo de homoj, kiuj havas komunan celon kaj profitocelan agadon. Asocio kaj fondaĵo, aliflanke, laboras por komuna socia bono, kaj ne havas la celon generi profiton.

Ekde 2002, pro la leĝo 10.406 (portugale konata kiel “Novo Código Civil”) la organizaĵoj, ne nur de spiritistoj, estas devigataj reformi siajn statutojn por indiki, ke ĝi estas ĉu profitocela (societo), ĉu neprofitocela (asocio). 

Tamen la ŝanĝo de la nomo ne estas deviga. Ekzemple: “Sociedade Bauruense de Esperanto” (Esperanto-Societo de Bauru) estas devigata ŝanĝi sian statuton minimume por indiki, ke ĝi estas asocio (neprofitocela), sed ĝi ne bezonas ŝanĝi sian nomon al “Associação Bauruense de Esperanto” (Esperanto-Asocio de Bauru).   

La artikolo 53 difinas asocion kiel “unuiĝon de homoj, kiuj sin organizas por neprofitaj celoj”.

Kompreneble ekde tiu jaro novaj organizaĵoj uzas la terminon asocio en la nomo por eviti miskomprenon en la lando. Kaj multaj jam ekzistantaj organizaĵoj decidis ŝanĝi ankaŭ la nomon, de societo al asocio.

Kategorioj
Eventoj Organizaĵoj

Samideanoj manifestaciis kontraŭ abortigo

 

Kadre de pasintmonata manifestacio kontraŭ abortigo, sub aŭspicio de la “Nacia Movado de Civitaneco por la Vivo – Brazilo Sen Abortigo”, kelkaj Esperanto-spiritistoj partoprenis. Inter ili oni vidas en la maldekstra flanko de la supra bildo la paron Darci kaj Terezinha Sardinha (membroj de BAES), tenantajn reklamrubandon en Esperanto. 

La geedzoj raportis, ke post la evento, iu senatana spiritisto, kiu jam konas Esperanton, alparolis ilin, kaj proponis starigon de grupo de Esperantistoj por partopreni aŭdiencon en la venonta Esperanto-Tago ĉe la senato, la supera ĉambro de la brazila parlamento. Tiam la paro memorigis lin pri la leĝopropono 6162/2009, pri inkludo de Esperanto-instruado (elektebla, nedeviga) en mezlernejojn.

La 15-a Nacia Marŝo por la Vivo, kun la temo “La vivo dependas de via voĉdono”, okazis la 7-an de junio 2022 sur la gazono antaŭ la Nacia Biblioteko, en Braziljo, la brazila ĉefurbo.